Seoladh Phlean Forbartha Leabharlainne: Pobail Bheoga agus Inbhuanaithe a Chruthú 2025–2029

Tá áthas ar Sheirbhís Leabharlainne Chill Chainnigh fógra a thabhairt faoi sheoladh a Plean Forbartha Leabharlainne nua, Pobail Bheoga agus Inbhuanaithe a Chruthú 2025–2029. Leagtar amach sa straitéis réamhbhreathnaitheach seo ár bhfís do na blianta amach romhainn, ag cinntiú go bhfanfaidh leabharlanna mar spásanna dinimiciúla ina mbíonn eolas, cultúr agus nasc ag fás, i gcroílár an phobail.

Cuireann an plean seo treochlár straitéiseach ar fáil maidir le conas a fhásfaidh, a nuálóidh agus a oiriúnóidh ár seirbhís leabharlainne—ag feabhsú seirbhísí agus áiseanna agus ag an am céanna ag freastal ar riachtanais athraitheacha ár bpobal, ag glacadh le deiseanna nua, agus ag cinntiú go bhfanfaimid mar acmhainn iontaofa do chách.

Díríonn an plean ar:

• Taithí úsáideora: Daoine a chur i gcroílár ár ngníomhaíochtaí trí chur chuige atá dírithe ar an úsáideoir a ghlacadh i leith fhorbairt oibríochtaí, seirbhísí agus clár.
• Ceangal Pobail agus Rannpháirtíocht Chultúrtha: Ceangal agus rannpháirtíocht shibhialta agus chultúrtha bhríoch a thógáil agus a spreagadh, ag tairiscint spásanna do dhaoine chun nascadh, páirt a ghlacadh agus roinnt.
• Eolas agus Nuálaíocht: Cur chuige nuálach a ghlacadh maidir le heolas a chruthú, a roinnt agus a úsáid i dtimpeallacht theicneolaíoch atá ag athrú i gcónaí.
• Litearthacht agus Foghlaim: Tacú le forbairt scileanna litearthachta, lena n-áirítear scileanna praiticiúla, criticiúla agus digiteacha i gcomhréir le héilimh scileanna agus cumais atá ag fás.
• Inbhuanaitheacht agus Inoiriúnaitheacht: Cur i bhfeidhm bearta inbhuanaitheachta agus inoiriúnaitheachta chun athléimneacht fhadtéarmach a chinntiú agus chun a chinntiú go gcomhlíonaimid riachtanais an phobail go héifeachtach.

“Tá leabharlanna Chill Chainnigh lárnach i saol ár bpobail,” deir an Cathaoirleach, Mary Hilda Cavanagh, “agus cothóidh an plean uaillmhianach seo pobail bheoga, inbhuanaithe ina mbíonn eolas, cultúr agus nasc ag fás.”

Dúirt Leabharlannaí an Chontae Josephine Coyne “Trí nuálaíocht, cuimsitheacht agus inoiriúnaitheacht a ghlacadh, leanfaidh Seirbhís Leabharlainne Chill Chainnigh de bheith ina hacmhainn áitiúil iontaofa—ag cumhachtú mhuintir Chill Chainnigh agus ag múnlú todhchaí níos fearr."

Léiríonn an Plean Forbartha Leabharlainne seo ár dtiomantas don chomhoibriú, don chruthaitheacht agus don chumhachtú pobail. Is mó ná straitéis é—is cuireadh é do gach duine páirt a ghlacadh, foghlaim agus fás linn.

Tá an Plean Forbartha ar fáil le híoslódáil anseo, agus inár mbrainsí leabharlainne. 

Le haghaidh tuilleadh eolais cdéan teagmháil le Aisling Kelly, Leabharlannaí Feidhmiúcháin Sinsearach ar aisling.kelly@kilkennycoco.ie 056 779 4160